Што е Реики?

Приказната за Реики

Реики е најдревниот систем за исцелување со енергија што е основа за сите останати системи за исцелување. Реики е метод на правилната употреба на универзалната животна енергија, но истовремено Реики е и самата оваа енергија, што е дел од сите нешта и сите нешта се дел од неа. Реики е фундаментален дел од нашето постоење, без притоа и воопшто да сме свесни за тоа. Знаењето за Реики, во исконската форм со векови било загубено, се до 1922 година кога Реики е возобновен од Јапонецoт Микао Усуи (1865 – 1926) .

Усуи го посветил својот живот трагајќи по изворните техники за исцелување кои биле користени од големите историски исцелители како Исус и Буда. Целта на Усуи била да го најде коренот на сите различни техники за исцелување со енергија. Тој сметал дека тие се само различни форми на истото нешто. Ги проучувал и практикувал тајните учења на сите значајни духовни традиции - од Христијанството до Хиндуизмот, од јапонското Шинто до тибетскиот Будизам. Наоѓал одговори, но никако не бил наполно задоволен. Сеуште неможел да ја открие големата тајна на исцелувањето. Се додека веќе на стара возраст не се искачил на јапонската планина Коријама каде минал 21 ден и ноќ во пост и во длабока медитација. Дури на крајот од 21-от ден - големата тајна му била откриена, го осознал исконското исцелување и го нарекол Реики - од зборовите зборови Rei (Реи) што значи универзална енергија и Ki (Ки) што значи животната енергија.

Затоа велиме дека Реики е универзалната животна енергија, но и начинот на нејзина правилна употреба.

Микао Усуи (1865 – 1926)

Реи (Rei) - универзална енергија
Ки (Ki) - животната енергија

Реики е универзална љубов

Реики не е религија ниту пак е затворен систем. Реики не е нешто што може да се измисли, Реики е во секој од нас, скриен потенцијал кој чека да биде откриен како нерасцутен цвет. Тоа е можно бидејќи сите нешта се енергија, а Реики е само откривање на оваа енергија и учење за нејзино доблесно употребување.

Реики е отвореност, грижа, несебичност, хармонија, начин на убаво и среќно живеење, Реики е здравје и исцелување, реики е себеунапредување, Реики може да биде многу нешта, но пред се – Реики е љубов. Реики е универзална љубов. Љубов која не дели, туку се шири кон сите живи нешта. Реикистот е канал на оваа љубов, канал на оваа универзална енергија, Реикистот е во хармонија со универзумтот и тој/таа може оваа љубов, оваа енергија да ја сподели и со неа да им помогне, да ги поучи и исцели другите, а и себе.

Реики Македонија © 2011 | Дизајн Anchor Design 2011